អំណោយរបស់ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ក្រោមរូបភាព កាកបាទក្រហមកម្ពុជា បានប្រគល់ជូនដល់ប្រជាពលរដ្ឋងាយរងគ្រោះដោយទឹកជំនន់ ចំនួន ៥០០គ្រួសារ រស់នៅស្រុកលំផាត់ ខេត្ដរតនគិរី នៅថ្ងៃទី២៧ ខែកញ្ញា ឆ្នាំ២០២៥ តាមរយះ សហការីនៅស្នាក់ការកណ្តាល ចុះសួរសុខទុក្ខ និងចែកអំណោយសម្រាលការលំបាកដោយមិនបង្អង់យូរនោះឡើយ។ នេះក៏ជាការឆ្លើយតបតាមការស្នើសុំរបស់សាខាកាកបាទក្រហមកម្ពុជា ខេត្តរតនគិរីផងដែរ។ ប្រជាពលរដ្ឋ ចំនួន ៥០០គ្រួសារ គឺមកពីឃុំចំនួន៥ នៃស្រុកលំផាត់ ខេត្តរតនគិរី បានប្រព្រឹត្ដទៅនៅសាលាបឋមសិក្សា ស្រែកពកតូច និងមានការចុះចែកអំណោយសម្រាលការលំបាកនៅតាមផ្ទះផងដែរ។
តាមរយះកាកបាទក្រហម កម្ពុជា ស្នាក់ការកណ្តាល និងសាខាកាកបាទក្រហមកម្ពុជា ខេត្តរតនគិរី ក៏នឹងបន្តបេសកម្មនេះ នៅថ្ងៃស្អែកទី២៨ ខែកញ្ញា ដើម្បីចុះសំណេះសំណាលសួរសុខទុក្ខ និងចែកជូនគ្រឿងបរិភោគ និងសម្លៀកបំពាក់មួយចំនួន ដល់ប្រជាជនរងគ្រោះទឹកជំនន់រហ័សចំនួន ៤០០គ្រួសារទៀតក្នុងស្រុកលំផាត់ និងស្រុកកូនមុំ សរុបមានចំនួន ៩០០គ្រួសារ នៃខេត្តរតនគិរី៕
